ဖျားနေသောကလေးအား ပြုစုပေးရန်လမ်းညွှန်

• ကလေးအဖျားတက်ခြင်းသည် ခန္ဓာကိုယ်အပူချိန် မမျှ တခြင်းဖြစ်နိုင်သလို သွေးလွန်တုပ်ကွေး၊ လူတုပ်ကွေး ကဲ့သို့အဖျားပိုးဝင်ရောက်ခြင်းလည်း ဖြစ်နိုင်ပါသည်။

• ကလေးဖျားပါကပါရာစီတမောအခဲ(သို့မဟုတ်)အရည် တိုက်ပေးခြင်းဖြင့် အဖျားကျအောင်ပြုလုပ် နိုင်သည်။

• ပါရာစီတမောအား ကလေးကိုယ်အလေးချိန် ၁ ကီလို ဂရမ်လျှင် ၁၅ မီလီဂရမ်နှုန်းဖြင့် တွက်ချက်၍ တစ်နေ့ လျှင် ၄ ကြိမ်မှ ၆ ကြိမ်အထိ တိုက်ပေးနိုင်ပါသည်။

• အဖျားကြီးပါက ရေပက်တိုက်ပေးခြင်း၊ ရေချိုးပေး ခြင်း ပြုလုပ်နိုင်ပါသည်။ ရေချိုး/ရေပက်တိုက်ပေးပြီး လျှင်တဘက်ခြောက်ဖြင့်တစ်ကိုယ်လုံးရေခြောက်သည် အထိ ပြန်သုတ်ပေးရန်လိုပါသည်။

• ဖျားနေသောကလေးသည် ပုံမှန်ကလေးများထက် အစာအာဟာရပိုလိုအပ်သဖြင့် ကလေးဖျားနေပါက အစားအစာ ဖြတ်မပစ်ပါနှင့်။ အန်ခြင်း၊ ဗိုက်နာခြင်း မရှိပါက စားနေကျအစားအတိုင်းဆက်ကျွေးနိုင်သည်။

• မိခင်နို့တိုက်နေသော ကလေးဖြစ်ပါက မိခင်နို့ကိုဆက် တိုက်ပါ။

• မည်သည့်အကြောင်းကြောင့်ဖျားဖျား (ဓာတ်ဆားရည် မတိုက်သင့်သော အခြားအကြောင်း မရှိပါက) ဓာတ် ဆားရည်တိုက်ဖို့မမေ့ပါနှင့်။

• သွေးလွန်တုပ်ကွေးကဲ့သို့သော သွေးပေါင်ချိန်ကျတတ် သည့်ရောဂါများတွင် ဓာတ်ဆားရည်တိုက်ရန် အထူး လိုအပ်ပါသည်။

ကျွန်မ​​ဆေးခန်းစာအုပ်မှာ ​ရေး​ပေးထားတာ​လေးကို ပြန်တင်တာပါ။

#Dr_Mon_Mon

21-06-2018